Iисана
Хьегна волуш кху дуьненан бала,
ГIора деъна хьо дуьненчу валарх,
Воккхавийра деда бераберах.
ДоьгIна-м ца хиллера ган шу вовшийн...
ХIинца ахь а хьайна белха ховший,
Буьйса еъча тIеман цIарахлера.
Когаяхна яьлла оьмар хеди.
Лар ца юьтуш, цIеран суйнах беги,
Хьо дуьненчу валош, беъна седа.
“Муха? ХIунда? Валлал хан а йоцуш?..” -
Нехан хеттарш дуьсу, жоьпаш доцуш,
Ненан дог а хорамашца хеба.
Хьо велхийна белхамаш дIатуьйр бу,
Хьоьга бина кхийлам цара зуьйр бу,
Карлавийр ву, дийна дуьхьалтуьйсуш.
Дена шенна буьсур бу цхьа къийлам -
НеI дIакъийларх, чугIертар ю шийла,
Кошахь санна, тIеязъелла буьйса.
Хьегна волуш кху дуьненан бала...
© Copyright: Адам Ахматукаев, 2009
Свидетельство о публикации №109050602314
Свидетельство о публикации №109050602314
Рецензии