Кху сан юьрта регIара
Герзийн къора етта.
Нохчийчоьнан дегIана
ТIеман лазар кхетта.
Дарба лоьхуш лор а вац,
Яц я лазархо а,
Амма чевнаш йоьрзуш яц -
КIарглуш ю мелхо а.
Верасаллах воьттина,
Цхьа дарбанча ваьлла.
Лазар лоьхуш, хIоьттина,
И а юьстахваьлла.
Цо и нийса лоьхий те? -
Сох а шеко кхетта.
Нохчийчоьнан дегIа тIе-м
Герзийн къора етта.
Кху сан юьрта регIара...
© Copyright: Адам Ахматукаев, 2009
Свидетельство о публикации №109050602267
Свидетельство о публикации №109050602267
Рецензии