Дезткъе ткъайоьсналгIа шо.
ГIаларчу базарахь - аьхке.
Суна хьо юха а го,
Амма хьан болар ду чехка.
Сацаяй, вистхила со?
ХIан-хIа, со дуьхьала вер ву.
Вевзина, соцур ю хьо.
Вайн бIаьргаш къамеле девр ду...
Хадабеш базаран гуо,
Шозза а дуьхьала вели.
Шераша хьовзийна муо
Басталуш, чов лазаели.
Беха бу базаран гуо.
Йовха ю базарахь аьхке.
Хьоьга вист ца хилла суо
ХIунда во техьа ас бехке?..
Дезткъе ткъайоьсналгIа шо...
© Copyright: Адам Ахматукаев, 2009
Свидетельство о публикации №109042402967
Свидетельство о публикации №109042402967
Рецензии