Сан мехкан юьхь-сибат декхош,
ХІоьттина ламанийн мур,
БІешерийн собаро йийсарехь сецош,
Къежбелла бисина бу.
Къонахех къонаха къасто
Лакхешка дІабоьхий уьш,
Шайн къена къайленаш лаьмнаша йосту,
Къонахийн амалаш зуьйш.
Генахь ду ламанийн баххьаш,
Царна тІе чІугъетта некъ,
И-м хьийза, цхьаццаверг ирхешца къарвеш,
Я хеда, цхьаъ хьегавеш.
Сан ойла цу новкъа яьлла,
ГІерта и деган ницкъ зен.
Со тахна сайн рогІехь ладегІа ваьлла
Даймехкан садеІаре.
Ирхенаш
© Copyright: Адам Ахматукаев, 2009
Свидетельство о публикации №109041601505
Свидетельство о публикации №109041601505
Рецензии