Сан ненан гІевлангахь
къежлуш ду гІенаш,
Аганан эхь-бехках кхийрина.
Шен кІентийн когаш тІе
хІиттина хенаш
Цо делан дикане кхийлина.
Сан лаьттан гІевлангахь
денлуш ду гІенаш,
Заманан эхь-бехках кхийрина.
Хиллачун, хиндолчун
юкъ йоьхку хенаш
Цо кІентийн дегнашка кхийлина.
Сан лаьттахь денлуш ду
сан некъан генаш,
Ас сайн ден амалех Іийдина...
Сан ненан гІевлангахь-м
къежлуш ду гІенаш,
Аганан эхь-бехках кхийрина.
Сан ненан гIевлангахь..
© Copyright: Адам Ахматукаев, 2009
Свидетельство о публикации №109041601388
Свидетельство о публикации №109041601388
Рецензии