Дуьне-м ца дуура, я Везан Дела,
Харцонах ун даьлла Латта а дитна,
ГIайгIанаш йоцучу бераллехь лела
Стигала вала йиш йолуш ца хилча.
ТIаккха ма хин дарий, суьйренга воьдуш,
Батта тIе веъна со, гIелбелла когаш
Тхов тIера санна, дIаохьачухоьцуш,
Кегабан хIоьттича бухлара бодаш.
Гича а хIун дара суна цу юккъехь
Сан лорах угIучу берзалойн бIаьргаш.
Нана хир ма яра со ларвеш юххехь,
Дас а бIаьргъэшара вийр вара тергал.
ТIаккха ма хин дарий, уьш гаро Iехош,
Ас лайна гIенаш а, кхин гIенаш кхаббал…
Амма ца тарло-кха дуьненца эгIа,
Хьоьца и харц хиларх, хьох и ца Iабарх.
Дуьне-м ца дуура, я Везан Дела...
© Copyright: Адам Ахматукаев, 2009
Свидетельство о публикации №109040205221
Свидетельство о публикации №109040205221
Рецензии