Нохчийн Iаь а йоцчохь
Нохчийн лорах лелаш,
Къа хьерчийна паччахь
Вирзи Делан кхеле.
Со ца хIоьтти холчу,
Со ца вийли хелха.
Тхан зударий болчохь
ДIа ца хIитти белхарш.
Мохк зуькарша техкош,
Ца гулбели белхи.
ДоIанашца бехкаш
СагIанехь ца белхий.
Дешар юкъахдоккхуш,
ЦIахь ца совций бераш.
ДIа ца къевли баккхалш
Совдегарийн цIера…
МаьIна Iеса долчу
Ойлане со валарх
Ларви, лезна доцу
Де дIакхачош, Дала.
Нохчийн Iаь а йоцчохь...
© Copyright: Адам Ахматукаев, 2009
Свидетельство о публикации №109040205193
Свидетельство о публикации №109040205193
Рецензии