Чоь юьзна кхиънера доьзал,
ЮргIа а цхьаъ долуш берийн…
Ткъа хIинца да-нана – къоьжа,
Доьзалш а шайн-шайн бу берийн.
Керта бIо боьссича санна,
Хьийзачу кIенташа дада
Воккхавево-кха шайх, амма
Къа доцчу бехках ю нана.
Дуьнен тIе цо хIокху буса
Йоккхун ерг цкъа маре гIур ю…
Дех-ненах йисина хIусам
Вежаршна ма яссалур ю…
Чоь юьзна кхиънера доьзал...
© Copyright: Адам Ахматукаев, 2009
Свидетельство о публикации №109032906226
Свидетельство о публикации №109032906226
Рецензии