РАНІШНІ СОН АКСАМІТНЫХ АБЛОКАЎ
Ранішні сон аксамітных аблокаў —
Чыстых вачэй сарамлівы пагляд...
У цішыні — рэха сцішаных крокаў,
У вышыні — райскі сонечны сад.
Тонкай мяжою світання і ночы
Велічна падае снег на зямлю.
Сэрца да сэрца, а вочы — у вочы.
Я гэты снег беспрычынна люблю.
Кружыцца марыва зорных пялёсткаў,
Крыўда знікае і гіне падман.
І сярод тысяч зямных адгалоскаў
Чую, як грае ў касцёле арган.
Ранiшнi сон аксамiтных аблокау
© Copyright: Леонид Пранчак, 2008
Свидетельство о публикации №108101202564
Свидетельство о публикации №108101202564
Рецензии