неба. засеяна. сузор’ямі.
донны па макетных вуліцах горада
шпацыры спраўляюць
з адважнымі шчодрымі донамі.
сарказмам адказвае вечар
на ўсе прапановы.
давай перакрэсьлім яго.
пачнем усё нанова.
неба. не засеяна. сузор’ямі.
донны не шпацыруюць.
доны труцяцца таннымі адэкалёнамі.
бяглузда адказвае вечар на ўсе прапановы.
яму ўсё адно. паступова
мы паглыбляемся ў яго,
губляемся ў змовах.
прыціскаемся шчыльна вуснамі.
спакусу наталяем укусамі.
жаданьні спраўджваем яднаньнямі.
ваганьні засыпаем адчуваньнямі,
перамогай цела над душою.
спы-ня-ем-ся.
на хвіліну. i з новай сілай
губляемся ў гуках, губляемся ў небасхілах….
ноч варухнецца й пойдзе гуляць па хатах.
ты сьпіш . я пью на прыступках гарбату.
донны
© Copyright: Джэма, 2008
Свидетельство о публикации №108032900481
Свидетельство о публикации №108032900481
Рецензии
