Шоха чи бистрав куко тато милай
Мэ па Вэш пхирасас Ласа акар кай
Вой тэрны, шукар Раклёри,
Ла маляки лулудёри
Лако паро кхаты най
Гэлам ласа пэ ратятэ по паи
Вой инкрэлпэ паески чирикли
Мэ лос пала латэ сама
Вой мэзыяс коды врама
Ла Ратяки Лулуди.
Паша латэ мэ камав лако Край тэ авав,
Лакэ бал сумнакунэ фэри мэ тэ азбав,
Тэ инкрав ла андо вас, май шукар пэ лума нас
Фэри ласа дуй женэ, жявтар мангэ эрэкрэ.
Дэлпэ мангэ паша лако усялин
Лэ щея тэ щён пэ кхонык чи бирин
Лакэ зэлэнэ якхора, о колин, ай лэ уштора
Дэн ма зор, хай ви залын
Фэри ёкхвал ан до траё шай авэл
Касаво Камаипэ тэ дэл о Дэл
Бахталой кодо муршоро, кастэ сас
Шукар раклёри
Па саватэ шай пхэнэл.
Со сы Камаипэ
© Copyright: Дуфуня Домбровский, 2007
Свидетельство о публикации №107091401310
Свидетельство о публикации №107091401310
Рецензии