О тато Милай накхлас
О Ивэнд, кай авилас
Пахо Ив щудас по дром…
О Кречуно авилас!
О, Дэл аракхадилас!
Тэ лошан интрэгэ Ром!
Авилэ, Ромалэ, сунты Дес, Щавалэ,
Са бэшэн рития пэн.
Лэ тэрнэ щеёра, сар лэ лулудёра
Са дилабэн тхай кхэлэн.
Дэл па Чери авилас
Лэско Дад Лэс бищалдас
Тэ дыкхэл сар со кэрас
Бэзэха амарэ лас,
Пэско трае потиндас,
Кэ лэ манушэн камлас!
Авилэ, Ромалэ, сунты Дес, Щавалэ,
Са бэшэн рития пэн.
Лэ тэрнэ щеёра, сар лэ лулудёра
Са дилабэн тхай кхэлэн.
Мусай сы пэ кадал Дес
Ек-Екхэс тэ атярэс,
Кушипэ на штык авэл,
Тэ малын лэ щаворэн,
Тэ дилабэн тэ кхэлэн,
Сар пхэндас о Сунто Дэл!
Тэ бистрэн, Ромалэ, лэ Холя, Щавлэ
Мэк лошайвэл о Ило!
Дэл о Дэл, Ромалэ, саконэс, щавалэ
Лунго траё Бахтало!
О Кречуно
© Copyright: Дуфуня Домбровский, 2007
Свидетельство о публикации №107091401305
Свидетельство о публикации №107091401305
Рецензии