Бэш та Мамо паша ма
Кай лэ мурэ трамцы
Авилэтар лэ щея
Жявтар мэ пэл танцы
Чи камэс мА тэ мэкэс
На мишто кэрэса
Состар мамо чи камэс
Тэ дыкхав ма лэса
Вов тэрно шукар щаво
Пхагадэ балэнца
Ай по вас Вов бахтало
Миндык лэ ловэнца
Вов дыклас ма арати
Сымас лэ щеянца
Лас хай дас ма лулуди
Акхардас пэл танцы
Паша лэстэ мэ жянав
Бахталой о Траё
Со ворбин па Лэс щунав
Андэй Бах са наёл
Ашта Мамо тэ накхав
Жяв шукаравав ма
Чи мэкэса, ворба дав
Лав хай умблавав ма
Кадо баё касаво
Саконэ ромэстар
Сы кодо каё чоро
Сы ви барвалэстэ
Сако Дэй, чак,атярэл
Мусай щей тэ жялтар
Фэри кхонык чи жянэл
Кана вой хуралтар
Саконэс кодо пэрэл
На екхэскэ нума
Жи кхатар кэрдас о Дэл
Кады парны Лума
Бэш та Мамо
© Copyright: Дуфуня Домбровский, 2007
Свидетельство о публикации №107091401292
Свидетельство о публикации №107091401292
Рецензии