Зіма.
Чарговая зіма ў маім жыцьці
Прыйшла, як сон, уночы незаўважна,
Яна і я – астатняе ня важна,
Чарговая зіма ў маім жыцьці.
Чарговая зіма ў маім жыцьці –
Пачатак белы белага сязону;
Натхненьне прынясе, дасць працы плёну
Чарговая зіма ў маім жыцьці.
Чарговая зіма ў маім жыцьці;
І неба шэрае ўсё сыпле белым сьнегам,
І запавольвае жыцьцё тэмп свайго бегу;
Чарговая зіма ў маім жыцьці.
Чарговая зіма ў маім жыцьці;
Як сьвежы сьнег настрой мой сьветлы-белы.
Нарэшце зноў душу яднае зь целам
Чарговая зіма ў маім жыцьці.
Чарговая зіма ў маім жыцьці,
Ці прынясеш ты шчасьця, колькі сьнегу?
Чакаю зноў я творчага разьбегу;
Чарговая зіма ў маім жыцьці.
18.11.2004г.
Зiма
© Copyright: Константин Постоянный, 2007
Свидетельство о публикации №107042300139
Свидетельство о публикации №107042300139
Рецензии