2. ДАРОГА У КАРМУ
Гэтым часам, калі
Прамінаюць палі і вёскі
(Ці на яве — ці ў сне?),
Успаміны мірскія стынуць,
Я спяшаю к Табе,
Задыхаюсь, глынаю слёзы,
Я малюся Табе,
Дарагая наша Святыня.
Сустракаеш усіх
Светлым Храмам,
Як вочы, сінім,
Чыстым Крыжам
I ў студні —
Вадой жывою.
Як нідзе,
Тут да неба, да Бога
Бліжай.
Усё жыццёвае
Застаецца па-за Кармою.
Тут слабы карабель мой
Спыніўся
І кінуў якар.
Ды не моцны ланцуг —
Зноўку хваля —
I ён парвецца...
Дай жа, Госпадзе,
Каб прайшлі без знаку
Усе буры і штормы,
У жыцці і ў сэрцы.
Ёсць прыстанкі
У хвалях быцця-акіяну.
Ратавальным агнём
На іх душы чыстыя свецяць.
...Святы праведны ойча наш Іаане,
Малі Госпада
Аб Яго непуцёвых дзецях.
Паэма да святога Iаана Кармянскага. 2. Дарога
© Copyright: Ангелина Добровольская, 2007
Свидетельство о публикации №107040700350
Свидетельство о публикации №107040700350
Рецензии
К стихам фотографии: http://angelinad.fotoplenka.ru/album271646/page1.htm
Ангелина Добровольская 08.04.2007 17:27 • Заявить о нарушении
Ангелина Добровольская 08.04.2007 17:27 • Заявить о нарушении