Сюды сышлiся ўсе мае кругi:
Акруга гэта – круг жыцця другi.
Мая буслянка – першы круг жыцця.
Я тут шчаслiвы сёння, як дзiця.
Я тут гляджу ў нябёсы, як малы,
Дзе кружацца знаёмыя буслы.
Яны таксама радасна мяне
Вiтаюць зноў у роднай старане.
У нечым мы падобны на буслоў, -
Бывае, што i нам не трэба слоў.
I нас жагнаюць божыя паслы,
Благаслаўляюць добрыя буслы.
На Звеставанне на радзiму я
Вярнуўся буслам на кругi свая.
Вярнуўся з весткай, што крылаты лёс
Мне зноў дзiцятка-буслiка прынёс.
На Звеставанне
© Copyright: Станислав Володько, 2006
Свидетельство о публикации №106061400839
Свидетельство о публикации №106061400839
Рецензии
