***
Ужо трэці тыдзень жыву я без жонкі.
Шпалеры пажоўклі, адсталі ад сцен.
Сяджу, як пацук, не выходзячы вонкі,
Чакаю хоць нейкіх ў жыцці перамен.
Мне здрадзіла жонка, пайшла да суседа.
Я кінуў ёй ўслед: “Ну і нафіг ты мне?!!”
Яна ж (не пакінуўшы нават абеду)
Прамовіла: “Быць паміж намі вайне!”
Сяджу без вады, без святла ды без газу,
Бо грошай няма мне за іх заплаціць.
А шэф мой – дык гэта шчэ тая зараза! –
Ён звольніў мяне! Хай ён ў пекле гарыць!
Я ежу сабе не вару прынцыпова,
Ды мыцца не бачу больш сэнсу зусім.
Дык, мо, гаспадар, ты пачнеш ўсё нанова?
Твой бедны, галодны, няголены сім.
PS. Сімы – маленькія камп’ютэрныя чалавечкі. Гулец стварае сям’ю сімаў і даглядае іх – корміць, мые, водзіць у прыбіральню, знаходзіць ім працу і сяброў. Гэтая гульня-стратэгія – аналаг нашага жыцця.
(9.02.2005)
*** Ужо трэцi тыдзень жыву я без жонкi
© Copyright: Жэка, 2005
Свидетельство о публикации №105021000598
Свидетельство о публикации №105021000598
Рецензии
На это произведение написаны 3 рецензии, здесь отображается последняя, остальные - в полном списке.