ab1. 21 Шчасце. Можа сталым быць яно? 68 верша

5008     ЗАЦIШАК

Калi студзёны вецер дзьме бясконца,
Бо шчасце не сустрэлася ў жыццi,
Каб трошачкi душу сагрэла сонца,
Зацiшак трэба хоць-якi знайсцi.

26.01.2001


5012     ВЯСНОВЫ СОН

Пасумую i паплачу
Па былой вясне,
Шчасце толькi часам бачу
У вясновым сне.

27.01.2001


5022     КАНЕЦ ШЧАСЦЮ

Нiбы сонца, расцвёў па вясне дзьмухавец,
Ды сустрэў нечакана замiнку,
Прыйшоў шчасцю i радасцi хуткi канец:
Праз мурог пратапталi сцяжынку.

30.01.2001


5023     ШЛЯХ ДА ШЧАСЦЯ

Упарта шукаю да шчасця свой шлях,
Iду праз лясы i балоты,
Ды шчасце, напэўна, жыве на гарах,
А дол – без любвi i пяшчоты.

30.01.2001


5049     СЦЕЖКА ДА ШЧАСЦЯ

Не заўсёды суровай быць можа зiма,
I яна падарыць здатна шчасце,
Там, дзе летам дарогi к каханым няма,
Па вадзе можа сцежку пракласцi.

3.02.2001


5078     ХВАЛI ПЯШЧОТЫ

Аб шчасцi бярозы вясною спявалi,
Якое прыносiць любоў,
Лiлiся пяшчоты цудоўныя хвалi,
Растала каб сэрца дубоў.

7.02.2001


5090     НЕДАЛЁКI ЕЛЬНIК

Цудоўны i прыгожы лес высокi,
Ды ў iм заўжды магчыма заблукаць.
Мо лепей выбраць ельнiк недалёкi,
Ад водару каб шчасце атрымаць?

9.02.2001


5092     ЖАНОЧАЕ ШЧАСЦЕ

Жаночае шчасце чамусьцi шчарбатае,
Шэрымi робiць гады,
Мо шчасце пабачыла кожная пятая,
Iншыя ў горы заўжды.

9.02.2001


5096     АСАЛОДА ШЧАСЦЕМ

Капёж вясновы i зiмовы лёд,
Яны заўсёды непарыўна разам,
Ад летнiх кветак будзе яшчэ мёд,
I асалода шчасцем прыйдзе з часам.

10.02.2001


5121     ЦЯГНIКI

Пранеслiся гады, як цягнiкi,
I з радасцi груз везлi i з напасцi,
Але яшчэ дагэтуль нiякi
Супынкi не сустрэў пад назвай «Шчасце».

16.02.2001


5122     ЦУДОЎНЫ ШЛЯХ

Я ў марах iду па цудоўным шляху,
I радасць ствараю ў уяве,
У думках шчаслiвай заўжды быць магу,
Хоць шчасця няма ў самай справе.

16.02.2001


5123     ВЫНIК У КАХАННI

Стрымаць немагчыма плынь бурнай ракi,
Разбурыць любую плацiну,
I вынiк ў каханнi таксама такi,
Калi замiнаць моцна сыну.

17.02.2001


5131     ЧОВЕН ШЧАСЦЯ

Човен шчасця рвецца плысцi,
Ды на рэчцы мелiна,
Не знайсцi пакуль што выйсце.
Мо паводку дасць вясна?

18.02.2001


5190     КВЕТКА ШЧАСЦЯ

Кветку шчасця я шукала ў лузе,
Ў лесе, ў полi бегла па мяжы,
Але падказаў з буслянкi бусел:
«Шчасце трэба будаваць ў душы.»

26.02.2001


5235     СВАЁ ШЧАСЦЕ

П'ю шчасце я кроплямi часам,
Але пакутуе душа,
Заўсёды быць хочацца разам,
Каб пiць сваё шчасце з каўша.

5.03.2001


5240     КАВАЛАК ШЧАСЦЯ

Вiруе ў сэрцы толькi неспакой,
Бо шчасце не ўдаецца здабыць цалкам,
Ўжо дацягнулась да яго рукой,
Схапiла, не здаволiлась кавалкам.

6.03.2001


5242     ЗЯМНОЕ ПРЫЦЯЖЭННЕ

Няшчасце – як зямное прыцяжэнне,
Нiяк не выйсцi за яго мяжу,
Трымае моцна кожнае iмгненне.
Як ў космас скiраваць сваю душу?

6.03.2001


5271     ЦУД

За шчасцем бясконца iдзе паляванне,
Здараецца часам i цуд,
Удасца дакладна уцэлiць ў каханне,
Душу каб пазбавiць пакут.

12.03.2001


5310     СМАК ПАЛЫНУ

Калi штодня бясконца мёд i мёд,
То з горкi шчасця хочацца ў далiну,
Лепш нават быць ў знямозе ад маркот,
Прыемней надта горкi смак палыну.

16.03.2001


5311     СКАРБ ШЧАСЦЯ

Скарб шчасця, як заўсёды, невялiчкi,
Яго зусiм, як быццам, не было,
Iмгненнi шчасця, як палёт у знiчкi,
Кароткае, ды зыркае святло.

16.03.2001


5324     ШЛЯХI ДА ШЧАСЦЯ

Да шчасця цяжка вызначыць шляхi,
Бо невядома нейкая прыкмета,
Не зведаць каб адчаю i тугi.
Што лепей: цi каханне, цi асвета?

18.03.2001


5325     ЗНАХОДЗЯЦЬ РЭДКА

Яго шукаюць там, дзе не паклалi,
I не стаiць на вабным скарбе метка,
Надзейна лёсы цэнны скарб схавалi,
Таму знаходзяць шчасце вельмi рэдка.

18.03.2001


5347     ЗАЛАТАЯ ДАРОЖКА

Месяц дарожку праклаў залатую
Ў чорнай, як вугаль, вадзе.
Можа пакажа сцяжыначку тую,
К шчасцю якая вядзе?

22.03.2001


5349     ЗОРКА ШЧАСЦЯ

Хочацца стрэць мне свайго шчасця зорку,
Глянуць ёй ў ветлiвы твар.
Можа зайсцi на высокую горку,
Каб не было вакол хмар?

22.03.2001


5366     СУСТРЭЧА З ПЯШЧОТАЮ

Сонца ловiць сланечнiк з ахвотаю,
Круцiць следам за iм галаву,
Бо прыемна сустрэцца з пяшчотаю,
Заўжды хiляцца душы к цяплу.

26.03.2001


5377     АДВАРОТНЫ БОК

Чалавек на шчасце нарадзiўся,
Ды з iм сустракаўся не заўжды,
Таму з часам з думкай пагадзiўся:
Шчасце – адваротны бок бяды.

28.03.2001


5386     СКНАРЛIВАЯ РУКА

Хто зразумець няздатны жабрака
I падзялiцца шчасцем не жадае,
Бо у яго скнарлiвая рука,
Ён часам шчасце цалкам сам страчае.

29.03.2001


5390     ШЛЯХ ДА ШЧАСЦЯ

Заблыталiсь вясновыя сцяжынкi,
Бо гразка, не праехаць, не прайсцi,
Часамi нават сыплюцца сняжынкi,
А хочацца да шчасця шлях знайсцi.

29.03.2001


5392     ЦЯГНIКI ШЧАСЦЯ

Звiняць рэйкi i грукочуць колы,
Бо бягуць да шчасця цягнiкi,
Лёс мой, нiбы саламiнка, кволы.
Мо яшчэ супынiцца якi?

30.03.2001


5414     ЦЯГНIКI ШЧАСЦЯ

Вясною душы цеплынёй сагрэты,
Напрамкаў шмат, ды выбiраць якi?
Вясна дае купэйныя бiлеты,
Бягуць па рэйках шчасця цягнiкi.

1.04.2001


5415     ПЕРШЫЯ КРОКI

Вясна, блакiт i белыя аблокi,
Як iзумруд, зялёная трава,
Я першыя раблю ў каханнi крокi,
I круцiцца ад шчасця галава.

1.04.2001


5417     АПТЫМАЛЬНЫ ШАНС

Каханне ўсiм без перашкоды
Дае свой аптымальны шанс,
Ды шчасце маюць не заўсёды,
Бо лiчаць – толькі быў аванс.

1.04.2001


5418     НУЛЬ

Жанчына без мужчыны – проста нуль,
Нулей, калi красуня, значна болей,
Няма адзiнкi перад ёй пакуль,
Шлях к шчасцю не спаткаецца нiколi.

1.04.2001


5432     ДРАБIНКА ШЧАСЦЯ

Да шчасця я цягну руку даўно,
Каб ухапiць сабе хаця б драбiнку,
Ды лёс смяецца горка нада мной,
Не выцягнуць свой лот за павуцiнку.

3.04.2001


5453     БАРАЦЬБА

Iдзе за шчасце барацьба,
Пад сонцам месца вельмi мала,
Ад чорных хмар ў душы журба,
А хочацца, каб сонца ззяла.

5.04.2001


5470     МАГНIТ КАХАННЯ

Шчасце – як iголка ў стозе сена,
Пошук яе з глупствам на мяжы,
Ды яно знаходзіцца нязменна,
Як магнiт кахання ёсць ў душы.

7.04.2001


5476     СЦЯЖЫНАЧКА ШЧАСЦЯ

Лепей хай сцяжыначка у полi,
Ды абапал шчасце цэлы час,
Чым шаша, але на ёй паволi
Кволы прамень шчасця цалкам згас.

8.04.2001


5482     МАРА I ЯВА

Адмяжаваць як шчасце ад бяды?
Аб шчасцi вельмi розная уява,
Ды шчасце сустракаецца заўжды,
Калi ажыццяўленне мары – ява.

9.04.2001


5492     НЕПРЫМЕТНАЕ ШЧАСЦЕ

Здароўе непрыметнае заўжды,
Маленькая хвароба – нiбы драма,
Душа ў пакутах цяжкiх ад бяды.
А шчасце непрыметнае таксама.

10.04.2001


5516     ГРОНКА ВIНАГРАДУ

Як вiшаняк на старай вiшнi, дзён
Было шчаслiвых, ды яны ўсе ззаду,
Не трэба мне, каб iх было мiльён,
Прынамсi, хаця б гронка вiнаграду.

13.04.2001


5529     ПОМНЮ

Трывае шчаслiвая доля ў жыццi,
Як чыстыя белыя росы,
Ды помню, што могуць раптоўна прыйсцi
I чорныя долi палосы.

15.04.2001


5541     ДАЛЁКI ВЫНIК

Вядуць ў невядомасць жыццёвыя крокi,
Таму кожны цяжка ступiць.
Цi можа шчаслiвым быць вынiк далёкi,
Цi будзе адвечна любiць?

16.04.2001


5579     ВЯСЁЛКА ШЧАСЦЯ

Заўсёды шчасце, хаця кволае, прыйдзе,
Вялiкага чакаць амаль без толку,
Хоць расплывецца, нiбы масла па вадзе,
Ды здатна ў прамянях ствараць вясёлку.

20.04.2001


5580     ХОЛАД У СЭРЦЫ

Здабыць шчасце няўдалыя спробы
Час ад часу бясконца раблю,
Хачу ўзор адшукаць да спадобы,
Ў сэрцы холад: яшчэ не люблю.

20.04.2001


5582     ШЧАСЛIВЫ ЦЯГНIК

Стукаюць колы па рэйках упарта,
Хутка бягуць цягнiкi,
Але на кожны садзiцца не варта.
Ды з iх шчаслiвы якi?

20.04.2001


5603     ЧАКАЮ ШЧАСЦЯ

У кнiзе жыцця за абзацам абзац
Мiнулае з болем чытаю,
Там шчасця няма, толькi кепскi эрзац,
Сапраўднага шчасця чакаю.

22.04.2001


5604     ЛЕТНЯЕ ШЧАСЦЕ

Вясновыя скончылiсь страсцi,
Далёка час зiмнiх акоў,
Мне лета спявае аб шчасцi
I дорыць удосталь любоў.

22.04.2001


5608     СПАТКАЦЬ ВЯСНУ

Пазнаў зiмовых халадоў цану,
Калi было у шэрых хмарах неба,
Сустрэць сваю чароўную вясну,
Каб шчасце мець, абавязкова трэба.

23.04.2001


5654     ЦЯРНIСТЫ ШЛЯХ

Як садзяць – яму месца на краях
Або стаяць патрэбна пры парозе,
У шчасця цяжкi i цярнiсты шлях,
Хаця яно жаданае у лёсе.

30.04.2001


5713     ПIК ВЯСНЫ

Цвiценне – найвышэйшы пiк вясны,
Калi ад шчасця i натхнення млосны,
Калi не б'юць няшчадна перуны,
Але праходзяць вельмi хутка вёсны.

8.05.2001


5732     АДЗIНЫ КРОК

Падманнае люстэрка у вады,
Пачнецца бура – хвалямi накрые,
Адзiны крок ад шчасця да бяды,
Пачуццi ёсць i добрыя, i злыя.

10.05.2001


5737     ЧАКАННЕ

Чакала доўга шчасце i каханне,
Бо ведала, якая iм цана,
Было працяглым, як зiма, чаканне,
Яны мiнулi хутка, як вясна.

10.05.2001


5752     ЖАНОЧАЕ ШЧАСЦЕ

Шчасце – калi дастаткова ўсяго,
Ззяе усмешка на твары,
Ранкам i ўвечары бачу яго,
Явай становяцца мары.

13.05.2001


5774     ПАВОДКА

Ў маёй руцэ яе рука,
Ад шчасця на душы салодка,
Пачуццяў бурная рака
Мяне панесла, як паводка.

17.05.2001


5776     КАРАНI КАХАННЯ

Шукаюць вiльгаць ўпарта каранi,
Iначай не пазбегнуць завядання,
Як жораў, ляцiць шчасце ў вышынi,
Калi ссыхаюць каранi кахання.

17.05.2001


5780     ПАЖАР КАХАННЯ

Ўраз прагарае вязанка лаўжу,
Хутка згасае пажар,
Лепш выбiраць для кахання душу,
Шчасця не дасць толькi твар.

17.05.2001


5786     НАЎЗДАГОН

Я аб дзiвосным шчасцi бачу сон,
Хай за душу пяшчотаю кране,
Крычу чакаць, iмчуся наўздагон,
Але яно не слухае мяне.

19.05.2001


5813     ТРАВА I ВЕРАСЫ

Цвiла трава i марыла аб шчасцi,
Ды на зямлю упала ад касы.
Чаму зусiм не ведаюць напасцi,
Квiтнеюць нават ўвосень верасы?

21.05.2001


5859     НЯЎЛОЎНАЕ ШЧАСЦЕ

Я шчасця кропелькi шукаў,
Яно няўлоўным мне здавалась,
Памiж дзвюх сосен заблукаў,
Пад трэцяй шчасце адшукалась.

29.05.2001


5872     РУЖЫ ШЧАСЦЯ

Занудзiлась па сонейку вясна,
Бо дакучаюць непагадзь i сцюжы,
Для радасцi яна ў жыццi дана,
Каб у душы квiтнелi шчасця ружы.

31.05.2001


5911     ВЯСНОВЫ ЦВЕТ

Вясновы цвет даў вельмi шмат падстаў,
Што шчасце надыходзiць без замiнкi,
Ды аблятаць ён паступова стаў,
I засталiся завязi адзiнкi.

4.06.2001


5914     СКАРБОНКА ДУШЫ

Шчасце шчодрае не звонку,
А схавалася ўнутры,
Расчыняй душы скарбонку,
Шчасце жменямi бяры.

4.06.2001


5915     СПАДЗЯВАННЕ

Заўжды на шчасце спадзяванне
Здаецца скарбам залатым,
Калi няспелае каханне,
Яно развеецца, як дым.

4.06.2001


5932     КВЕТКI

Кветкi – радасць i бяда,
Шчасце абяцалi,
Яно збегла, як вада,
Кветкi хутка звялi.

7.06.2001


5945     ВЕТРАЗI КАХАННЯ

Шчасце дорыць шчодрая вясна,
Ветразi кахання напiнае,
Ды пад воднай гладдзю мелiна
На яго надзей не пакiдае.

9.06.2001


5949     НОНСЭНС

Няма нi акiяна, анi мора,
Каб к шчасцю плыць на белым караблi,
Неспадзявана сустракае гора,
Бо карабель – як нонсэнс на зямлi.

10.06.2001


5950     ВЁСНЫ

Прайшла яшчэ чароўная вясна,
Даўно чакаю шчасця я ад вёсен,
Ды не прынесла радасцi яна,
Усё нязменна, як карона сосен.

10.06.2001


5962     ВЫБРАННIЦА ДУШЫ

Буяе радасць без мяжы,
Аб шчасцi ўсё вакол гаворыць,
Калi выбраннiца душы
Усмешку сцiплую падорыць.

11.06.2001