ab1. 14 Здараецца смутак нежаданы 18 верша

5064     ЗАЛАТАЯ ЗАРА

Жыццёвая лодка сустрэлась з бядою,
Iмкнуся падняць парусы,
Каб зноўку спаткацца з зарой залатою,
Прыйшлi каб кахання часы.

5.02.2001


5065     РАДАСНЫ ЗОЛАК

Iшла я шашой, перайшла на прасёлак,
Цяпер па сцяжынцы iду.
Спаткаецца зноўку мне радасны золак,
Цi вечар падорыць бяду?

5.02.2001


5075     ШЛЯХ ПА ПРАСЁЛКУ

Пяшчынкi скрыпяць на зубах,
Iду, знемагаю душою,
Пайшоў па прасёлку мой шлях,
Раней ён бег добрай шашою.

7.02.2001


5100     ГОРКАЯ ТУГА

Нiколi я цябе не цалавала,
Але сустрэла на сваiм шляху,
Ды лёс цяпер стаў чорным, як навала,
Я па табе п'ю горкую тугу.

11.02.2001


5143     ГОРКI СУМ

Лёс апынуўся жорсткiм i нямiлым,
Праклалi бiты шлях праз мураву,
I стала мурава дарожным пылам,
Глядзiць пыл з горкiм сумам на траву.

20.02.2001


5282     ВЯСНОВЫ ДОЖДЖ

Дождж вясновы пралiваўся з хмары,
Сонца ззяла, не было тугi,
Халады змянiлi цалкам мары,
Сум ў душы, калi iдуць снягi.

13.03.2001


5348     СУМНАЯ ПЕСНЯ

Вецер падняў нежаданыя хвалi,
Ў рэчцы люстэрка разбiў,
Мне яны сумную песню спявалi:
Мiлы мяне не любiў.

22.03.2001


5441     ЧОВЕН ТУГI

Човен горкай i цяжкай тугi
Да прычала ганю, што ёсць сiлы,
Ўсё далей i далей берагi,
А на беразе дзесьцi мой мiлы.

4.04.2001


5457     ТРЫВОЖНЫЯ ГУКI

Спачатку, як ў казцы, было разам з iм,
Мiнуў час цудоўнай пяшчоты,
Трывожныя гукi у сэрцы маiм,
Жахлiвыя гукi самоты.

5.04.2001


5486     КРАСАВIЦКАЯ СЦЮЖА

Ў душы сцюжа, i сняжынкi
Запарушылi мой лёс,
Бо разбеглiся сцяжынкi
Мiж красавiцкiх бяроз.

10.04.2001


5498     СОНЦА КАХАННЯ

Хоць вясна, а гнятуць халады,
Бо даўно няма сонейка ззяння,
I з душой так бывае заўжды,
Як згасае ў ёй сонца кахання.

11.04.2001


5565     ЛЯДОВЫЯ ТАРОСЫ

Кахаў i ляцеў пад нябёсы,
Цяплом сагравала вясна,
Лядовыя ў грудзях таросы,
Бо крылы мне сцяла яна.

19.04.2001


5688     ВЯСНОВАЯ ПЛЫНЬ

Ад зiмовага чакання
Сэрца зведала тугу,
Плынь вясновага кахання
Рве замiнкi на шляху.

5.05.2001


5777     ТУМАН

Кладзецца на зямлю густы туман,
Калдобiны не бачны на дарозе,
Душа смуткуе ад сардэчных ран,
Калi туман спаткаецца у лёсе.

17.05.2001


5792     АДЗIНЫ ШЛЯХ

Няшчасце з хаты выгнаць не магу,
Вiсiць на мне, як доўгая спаднiца,
На радасцi хачу змянiць тугу,
Адзiны шлях мець лепшае – ўлюбiцца.

19.05.2001


5827     ВЁСНЫ

Праходзяць вёсны чарадою,
Абрыдла мне iх сустракаць,
Бо цяжка са сваёй бядою,
Вясна, а некага кахаць.

24.05.2001


5935     РЭХА

Як мроя, вабiла уцеха,
Яе гукала спакваля,
Ды адгукалась толькi рэха,
Бо ўсе маўчалi, як зямля.

7.06.2001


5972     НЯШЧАСЦЕ

Рабiць да шчасця намагаюсь крок,
Ды на маёй дарозе слота,
Таму няшчасце, нiбы незнарок,
Бясконца цягне у балота.

12.06.2001