ab1. 13 Цудо ны дарунак свабоды 22 вершы

5015     НЕПАХIСНЫЯ ДУБЫ

Здавалiсь моцнымi пагрозы
Ад немiнучай барацьбы,
Шумяць лiстотаю бярозы,
Ды непахiсныя дубы.

28.01.2001


5056     СВАЯ МАЛIТВА

Чужая малiтва i песня.
Сваiх хто нам мець не дае?
Цi прыйдзе, нарэшце, прадвесне:
Малiтвы i песнi свае?

4.02.2001


5084     ВЫНIК БАРАЦЬБЫ

Прыходзiць час, пупышкi разрываюць
Аковы вельмi шчыльнай лупiны,
Упарта сабе волю здабываюць
Ў няшчаднай цяжкай барацьбе яны.

8.02.2001


5088     ВАБIЦЬ ЗЯМЛЯ

Зайздросна стала курыцы аднойчы:
Пабачыла у небе жураўля.
Але штодня ёй зерне сыплюць двойчы,
Не неба яе вабiць, а зямля.

9.02.2001


5095     САЛОДКАЯ ВОЛЯ

Iду па жыццёваму полю,
Раблю, як у лесе, кругi,
Салодкую знiшчылi волю,
I далей гнятуць ланцугi.

9.02.2001


5098     ШЛЯХ ПА КАЛЯIНЕ

Папала кола ў каляiну,
Свабоды звузiўся абсяг,
Вядзе няшчасную краiну
Па старай каляiне шлях.

11.02.2001


5151     АКНО ГIСТОРЫI

Я гляджу ў гiсторыi акно,
На душы – разгубленасць i скруха,
Бачу вельмi сумнае кiно,
Бо мяце бясконца завiруха.

21.02.2001


5212     ДУХАТА

Калi вакол моцныя муры,
Ад суму ў душы гарката,
Няхай бы пранеслiся буры,
Каб знiкла хутчэй духата.

1.03.2001


5361     ЯШЧЭ ЗIМА

Вясна з ракi зрывае панцыр лёду,
Хоць цяжкi ён i моцны, нiбы сталь,
Нясе вясна жаданую свабоду,
Але ў душы яшчэ зiма, на жаль.

25.03.2001


5431     БОЙКА ЗА СВАБОДУ

Як хвалямi мора не б'ецца,
Яму не парваць ланцугi,
Свабоды здабыць не ўдаецца,
Трымаюць яго берагi.

2.04.2001


5448     НЯМА ШЧАСЦЯ

Сумна ад думак, тужлiва ад спраў,
Горай жыццё год ад года,
Лёс нежаданы краiну спаткаў,
Шчасця няма у народа.

4.04.2001


5515     П'Ю ТУГУ

Не выбiраюць для сябе сям'ю,
Сабе суседзяў i народ не выбiраюць,
Таму тугу цяпер я часам п'ю,
Што беларусы быць народам не жадаюць.

13.04.2001


5588     АДВЕЧНЫ ПРАКЛЁН

Дзяржаву манкурты жадаюць ў iмгненне
Аддаць у бясконцы палон,
Наступнае прыйдзе ў жыццё пакаленне –
Iм будзе адвечны праклён.

20.04.2001


5622     СЫНЫ АЙЧЫНЫ

Гарыць ў душы прамень свабоды,
Скуюць хай рукi кайданы,
Ды будуць ёй служыць заўсёды
Айчыны верныя сыны.

25.04.2001


5805     МУЖНЫЯ СЫНЫ

Не разарваць нiколi ланцугi,
Калi змiрыцца цiха з кайданамi,
Пакорлiвы адзiн, рве сталь другi,
Радзiма слаўна мужнымi сынамi.

20.05.2001


5806     ШЛЯХ УСХОДУ

Заходзiць сонца – смутак у вачах,
Счарнелi горы, ў цемразi далiны,
Але усход пачне калiсьцi шлях,
Заззяе зноўку сонца для краiны.

20.05.2001


5811     ДЗIЎНЫ СОН

Сон дзiўны бачыў: кукарэкаў звонка,
Хоць больш прывабны трэлi салаўя,
Бо песня, як каштоўная скарбонка,
Павiнна быць у кожнага свая.

21.05.2001


5841     КРЫЛАТЫ ВЕРАБЕЙ

Сядзiць у шчыльнай клетцы салавей,
Гаспадару пяе ўвесь час рулады,
А вольны незалежны верабей
Цырыкае, што хоча, бо крылаты.

27.05.2001


5925     ПРАЛЕТАРЫI

Не хочам нi дзяржаўнасцi, нi мовы,
З Расiяй не жадаем мець мяжы,
Свядомасць нам знявечыў лёс суровы,
Мы сталi пралетарыi ў душы.

6.06.2001


5927     КАРАНI ГIСТОРЫI

Мiнулае святло лье ў нашы днi,
Народ з мiнулым горды, мужны, смелы,
Гiсторыi забылi каранi:
Пагоню i сцяг бел-чырвона-белы.

6.06.2001


5928     УЛАСНАЯ МОВА

Казаць сваiм бацькам знявагi словы
Нягоднiк можа або iдыёт.
Цi будзе добрым да уласнай мовы
З свядомасцю знявечанай народ?

6.06.2001


5929     ЦУДОЎНЫ ШЛЯХ

Шляхi гiсторыi заблытаны бясконца,
Агню няма, ды прысак не ачах,
Заззяе з часам i для роднай мовы сонца,
I мова выйдзе на цудоўны шлях.

6.06.2001