ab1. 9 Надзе ратавальны круг 22 вершы

5045     ПАЛКАЯ НАДЗЕЯ

Па хвалях цiха ў Лету лёс плыве,
Але пакуль яна яшчэ далёка,
Душа надзеяй палкаю жыве,
I прыгажосцю радуецца вока.

3.02.2001


5047     МАРА АБ ЛЕЦЕ

З надзеяю мару аб будучым леце,
Натхненне у сэрцы нашу,
Бо сонца ласкава i радасна свецiць
I шчасцем натхняе душу.

3.02.2001


5054     МАРНЫ ШАНС

Жыццё – як у гульнях рулетка,
Надзея дасць пэўны аванс,
Ды выйгрыш здараецца рэдка,
Бо, нiбы мiраж, марны шанс.

4.02.2001


5108     ЖЫЦЦЁВЫЯ СЦЮЖЫ

Пранеслiсь жыццёвыя сцюжы,
I снегам засыпала шлях,
Ды сняцца вясновыя ружы
I снег ад рамонак ў лугах.

13.02.2001


5153     ХАЧУ СПАДЗЯВАЦЦА

Бушуюць жыццёвыя хвалi,
Аж часам ад жаху крычу,
Надзей яны шмат пахавалi,
Але спадзявацца хачу.

21.02.2001


5202     ВЯСНА АБДОРЫЦЬ

Хай абпякае лёс зiмовай сцюжай,
Праз час без следу прападзе яна,
Бо абдарыць яшчэ у змозе ружай
Цудоўная i цёплая вясна.

28.02.2001


5232     ПЕСНЯ АБ ГОРЫ

Заўсёды шмат надзей дае прадвесне,
Надзей няма, калi ў снягах зямля,
Падобная ва ўсiх аб шчасцi песня,
Але аб горы ў кожнага свая.

5.03.2001


5236     ЖАДАНАЯ ВЯСНА

Я крочу зiмовай дарогай,
Дарогаю сцюж i маны,
Чакаю з няяснай трывогай
Прыходу жаданай вясны.

5.03.2001


5263     ПРЫСАК НАДЗЕI

Хай непагадзь стукае ў шыбы,
Ды прыйдзе яшчэ светлы час,
I скончацца цяжкiя хiбы,
Бо прысак надзеi не згас.

10.03.2001


5283     НАДЗЕЯ НА СЯБЕ

Зразумець, паспачуваць, дапамагчы –
Спадзяванне, нiбы прысак, тлее,
Ды зусiм не грэюць зорачкi ўначы,
На сябе павiнна быць надзея.

13.03.2001


5292     МО ВЯСНОЮ?

Даўно скончылась лета спякотнае,
Лiстапад адшумеў залаты,
Зiма была занадта халодная.
Мо вясною мне стрэнешся ты?

14.03.2001


5300     СВЕТЛЫЯ СНЫ

Вясна – пара надзей i светлых сноў,
Але чаму прыходзiць хутка восень?
Хацела мець яскравую любоў,
Ды хмары затулiлi ў душы просiнь.

15.03.2001


5396     НАДЗЕI

Сiнусоiды хваль, нiбы змеi,
Шмат прынеслi жыццёвых пагроз,
Разбiвалiсь аб скалы надзеi,
Не жадаў дараваць шчасця лёс.

30.03.2001


5468     ЧОРНАЕ НЕБА

Не заўсёды чорным будзе неба,
I душу пакiне смутку цень,
Зоркi каб мiгалi ноччу, трэба,
Сонейка душу каб грэла ўдзень.

7.04.2001


5469     НОЧ ДУШЫ

Ноч душы – як непагадзь ў прыродзе,
Калi сум прыходзiць ад iмжы,
Але хутка сонейка на ўсходзе
Дасць спакой i радасць для душы.

7.04.2001


5478     ЛЮБЫ ЛЁС

Сячэ пад корань любы лёс сякера,
Нарыхтаваць з яго каб болей дроў,
Ды ёсць надзея, што не знiкне вера,
I вернецца жаданая любоў.

8.04.2001


5568     СЦЮЖА

Абрыдла душы ад дакучлiвай сцюжы,
Ўвесь час абмiнае любоў,
Квiтнець можа хутка ў душы будуць ружы
Ад цёплых вясновых вятроў.

19.04.2001


5734     НАВАЛЬНIЦА

Часта бура асвяжаючая снiцца,
Абрыдла затхласць, нiбы рэдзька, мне,
Хутчэй няхай пачнецца навальнiца,
Маю душу надзеяю кране.

10.05.2001


5887     КАРАНI

Хай змерзне кожная галiначка у кроны,
Але, калi засталiсь каранi,
Зрастаюць парасткi, i зноў шацёр зялёны
Падорыць ўдосталь радасныя днi.

1.06.2001


5913     УСЁ ЗМЯНЯЕЦЦА

Хай мочыць дождж, гне к долу вецер,
Ды з часам высахне вада,
Усё змяняецца на свеце,
Калiсьцi скончыцца бяда.

4.06.2001


5960     СЦЯЖЫНКI КАХАННЯ

Калi яшчэ наперадзе дажынкi,
Заўжды надзея ёсць на ураджай,
Кахання непачатага сцяжынкi
Вядуць упарта толькi ў дзiўны рай.

11.06.2001


5993     НАДЗЕЯ

Была надзея на усход,
Бо сэрца поступ шчасця чула,
Але у плынi цiхiх вод
Яна паволi патанула.

15.06.2001