ab1. 8 Няспынна неба кл чуць мары 25 верша

5021     МАРА АБ ШЧАСЦI

Хай лёс падаруе бяду незнарок
Ці iншыя прыйдуць напасцi,
Апошнi пакуль не зрабiў яшчэ крок,
Жыве ў душы мара аб шчасцi.

30.01.2001


5030     ТУМАН З МРОI

Здаваўся чыстым, як раса, раман,
I месца ў iм не знойдзецца пакутам,
Ды з мроi як рассеяўся туман,
То ява апынулась з чорным брудам.

31.01.2001


5043     БЯСКОНЦЫ ГУШЧАР

Ззяла вясёлка ад радасных мар,
Ява сустрэла сурова:
Цяжка iсцi праз бясконцы гушчар,
Клiча наперад дуброва.

2.02.2001


5048     ДАПАМАГЧЫ МАРЫ

Заўсёды ява значна горай мары,
Ўдзень ў мары сонца, зорачкi ўначы,
Наяве неба зацягнулi хмары.
Як мары явай стаць дапамагчы?

3.02.2001


5055     ВЫНIК

Выхоўваць iмкненне да мары –
Як лашчыць i песцiць вужа,
Хоць вабяць цудоўныя чары,
Ды ў вынiку стогне душа.

4.02.2001


5125     У ЛЕТУЦЕННЯХ

Лячу ў летуценнях бясконца,
Бо iх удалось зберагчы,
Мне ўдзень усмiхаецца сонца,
I зорачкi свецяць ўначы.

17.02.2001


5176     ХВАЛI ПЯШЧОТЫ

Пяшчоты хвалi з радасцю лаўлю,
Яны, як божы дар, нябачна льюцца,
Глядзець у глыбiню вачэй люблю...
Звiнiць будзiльнiк, i пара прачнуцца.

23.02.2001


5197     ВЯРШЫНI МАР

Вяршынi моцна вабiлi бясконца,
Яны былi вяршыняй ўзнёслых мар,
Здавалась, там заўсёды ззяе сонца,
Але яны ў снягах i шапках хмар.

27.02.2001


5206     ЧАРЫ ЛЕТУЦЕННЯЎ

Лепей прытулак знайсцi для сябе,
Хай разбураюцца мары,
З iмi рэальнасць заўжды ў барацьбе,
Ды ў летуценнях ёсць чары.

28.02.2001


5279     ЧОРНЫ ВЕТРАЗЬ

Свiння заўсёды знойдзе сабе гразь,
У спёку цень шукаюць ўсе ад стомы,
Бо ў марах толькi чорны быў ветразь,
Ветразь пунсовы нават невядомы.

12.03.2001


5281     МРОI

Сапраўднасць чарней чорнай ночы,
Ды светлыя мары штодня,
Лёс гiблай далiнаю крочыць,
Ды ў мроях заўжды вышыня.

13.03.2001


5316     ВЯСНОВЫЯ МРОI

Мроi не хочуць прыходзiць мне новыя,
Тыя ж, нязменныя, зноў,
Сэрца хвалююць мне мроi вясновыя
Толькi адны – пра любоў.

17.03.2001


5343     МАРА I САПРАЎДНАСЦЬ

Зусiм някепскi, нават добры лёс,
Але незадаволенасць на твары,
Бо мара уздымала да нябёс,
Але сапраўднасць значна горай мары.

21.03.2001


5346     ЯК КРЫШТАЛЬ

Як крышталь, заўжды чыстыя мары,
Як дзiвосны нябачаны цуд,
Летуценняў сканчаюцца чары,
Бо навокал i гразь ёсць, i бруд.

22.03.2001


5385     СУРОВАЯ РЭАЛЬНАСЦЬ

У марах i iмкненнях – мiражы,
У светлых думках – толькi аптымальнасць,
Расплата – цяжкi смутак на душы,
Бо ёсць яшчэ суровая рэальнасць.

29.03.2001


5401     У МАРАХ

У марах i добра, i шчасна,
Бо яркiя зоркi ўначы,
I ўдзень свецiць сонейка ясна.
Як iх назаўжды зберагчы?

30.03.2001


5616     ВАБIЦЬ МАРА

Вабiць, як каханне, мяне мара,
I душы спакою не дае,
На шляху стаiць атруты чара,
Вып'ю, каб ажыццявiць яе.

25.04.2001


5634     ЖЫВУ МАРАЮ

Хай не хапае для душы цяпла,
Бо свет вакол не вельмi справядлiвы,
Ды iснасць сэнс цудоўны набыла:
Я мараю жыву i з ёй шчаслiвы.

28.04.2001


5693     ЖЫЦЦЁВАЯ МАРА

Вясной гняздо упарта птушка ўе,
I для кахання знойдзе сабе пару,
Каб птушаняткi выраслi свае,
Жыццёвую ажыццяўляе мару.

5.05.2001


5717     ВЫСОКI СЭНС

Ўзляцела мара пад аблокi,
Каб для душы спакой здабыць,
Ў імклівым русе сэнс высокi,
Бо ён дае надзеi жыць.

8.05.2001


5725     ДАЛЁКI КРАЙ

Бясконца вабiць край далёкi,
Ў дзiвосных марах ён штодня,
Але такiя ж там аблокi,
Такая ж сонца цеплыня.

9.05.2001


5854     МАРЫ I ЯВА

Не даюць спакою мары,
Ў марах – рыцар малады,
Вiртуальныя пажары
Ява гасiць без вады.

29.05.2001


5930     ЗАЛАТАЯ КРЫНIЦА

Колькi хочаш навокал вады,
Але ў снах – залатая крынiца,
Чысцiнёй яна вабiць заўжды,
З яе ў марах жадаю напiцца.

6.06.2001


5933     СIНЯВОКАЕ ШЧАСЦЕ

Чакала лёс цудоўны без замiнкi,
Бо шчасце сiнявокае у мар,
Ды хутка хмарай сталi аблачынкi
I паказалi свой счарнелы твар.

7.06.2001


5965     ПРАМЕНЬЧЫК СОНЦА

Няма чароўных светлых мар,
Бо хмары затулiлi неба,
Праменьчык сонца каб на твар
Хоць зрэдку клаўся, надта трэба.

11.06.2001