ab1. 1 Аднос ны няпростыя за жды 30 верша

5003     СЛОВА I СПРАВА

Была цудоўнаю размова:
Адкрыўся велiчны абсяг,
Ды справы вымагае слова.
Цi будзе у яе працяг?

25.01.2000


5009     КЕПСКI СУСЕД

Вясной было цудоўна, цяжка летам,
Здараецца такое у бяроз,
Бо дуб жаданы кепскiм стаў суседам,
I не галубiў больш пяшчотай лёс.

26.01.2001


5013     ГУЛЛIВЫ ЗАЙЧЫК

Душу студзiў занадта доўга цень,
Былых пачуццяў пачалась праверка,
Бо ззяе, нiбы сонечны прамень,
Гуллiвы зайчык нейчага люстэрка.

27.01.2001


5036     ТРЫВОЖНЫ НАБАТ

Як бальзам цi падобны нажу,
Словы рознае маюць значэнне,
Або радасць прыносяць ў душу,
Цi трывожны набат засмучэння.

1.02.2001


5038     ЧЫСЦIНЯ АДНОСIН

Спытаў пясочак жоўценькi у рэчкi:
«Навошта варушыць мяне на дне?»
Казала плынь: «Не замiнаюць спрэчкi,
Бо чысцiня адносiн не мiне.»

2.02.2001


5087     ГОРАЙ IРЖЫ

Любоў яднае, як электразварка,
Метал суцэльным ад яе стае,
Ды горш iржы памiж каханых сварка,
Хоць шво, як сталь, а трэшчыну дае.

9.02.2001


5097     ЧАСЫ ПЯШЧОТНАСЦI

Быў у гiтары голас юны,
Прайшлi пяшчотнасцi часы,
Бо тонкiя парвалiсь струны,
Гучаць цяпер адны басы.

10.02.2001


5114     КРЫНIЦА АДНОСIН

Сканчаецца заўсёды навальнiца,
Праб'юць маланкi, потым перуны,
Ў адносiнах замуцiцца крынiца,
І ў iх ужо няма былой цаны.

15.02.2001


5126     ВЫСОКАЯ ЦАНА

Заўсёды ў праўдзiвага слова
Высокая вельмi цана,
Зiмоваю стане размова,
Будуецца з лёду сцяна.

17.02.2001


5140     ЧАС РАЗЛУКI

Я рукi пакладу табе на плечы,
Ў блакiт вачэй глыбокi пагляджу.
Разлукi час збярог або знявечыў
Тваю, як росы, чыстую душу?

19.01.2001


5142     ПАЧВАРА

Адна i тая ж, тоесная хмара,
Iдуць з яе дажджы або снягi,
Хоць лiчаць часам, што яна пачвара,
Ды вiнаваты, пэўна, ў тым другi.

19.02.2001


5175     БОЛЬ

Фiзiчны боль – як быццам i не боль,
Яго заўжды ператрываць гатовы,
Ды раз'ядаюць душу, нiбы моль,
Агiдныя, абразлiвыя словы.

23.02.2001


5261     ЧОРНЫЯ СЛОВЫ

Шкадуем i абутак, i адзенне,
Ды не шкадуем горкiх, чорных слоў,
Якiя могуць у адно iмгненне
Зрабiць былою палкую любоў.

9.03.2001


5274     ЗМЫВАЕ БРУД

Няхай небяспека прыйдзе ад паводкi,
I шмат непатрэбных пакут,
Хоць цяжка, ды час кепскi вельмi кароткi,
Паводка змывае ўвесь бруд.

12.03.2001


5276     ЗАРУЧАЛЬНЫ ПЯРСЦЁНАК

Страцiла пярсцёнак заручальны,
Iм з табой звязаў калiсьцi лёс,
Быў каханы, стаў, як ўсе, звычайны,
I таму не лью жалобных слёз.

12.03.2001


5288     ЧОРНАЯ ПАДЗЯКА

Плады, як цуд, налiлiся на грушы,
Вялiкi сук зламаў цяжар,
Падзякай чорнай адгукнуцца душы
На добры, бескарысны дар.

14.03.2001


5315     МАЛЕНЬКАЯ КАМАНДА

Прайграеш сам – то вiнаваць сябе,
Хоць i гуляў лепш прызнанага гранда.
Вiноўнiк хто ў каманднай барацьбе?
Сям'я – хаця малая, ды каманда.

17.03.2001


5336     НАБАТ БЯДЫ

Калi ў жыццi праб'е бяды набат,
I распадзецца на паловы пара,
Не зразумець адразу, хто быў кат,
А хто зусiм нявiнная ахвяра.

20.03.2001


5371     ДУШЭЎНЫ СПАКОЙ

Хоць нi кроплi не быў вiнаваты,
Адчуваеш сябе, як iзгой,
Бо знаходзяцца чэрствыя каты,
Каб парушыць душэўны спакой.

26.03.2001


5382     СТУК У ВЕСНIЧКI

Упарты стук у веснiчкi душы,
Не зразумець адразу, гэты хтосьцi
Жадае, каб мы сталi спарышы
Або прыходзiць хоча толькi ў госцi.

28.03.2001


5384     ГРАХI

Заўжды даруюць грэшнiкi грахi,
А праведнiк грэх дараваць не ў змозе,
У кожнага жыццёвы шлях другi,
Iсцi iм цяжка па адной дарозе.

29.03.2001


5427     РУКА ДАПАМОГI

Свет поўны небяспекi i трывогi,
Таму душа напоўнена тугой,
Адзiн руку працягне дапамогi,
А сотня адштурхне цябе нагой.

2.04.2001


5445     ДЖАЛА

Калi адзiн спявае салавей,
Вядома, для натхнення вельмi мала,
Ды калi ўецца побач кубло змей,
Заўжды ўваткне якая-небудзь джала.

4.04.2001


5512     ЛЕПШ БАЛЬЗАМУ

Нялёгкi заўжды шлях жыццёвы,
На iм больш калючкi ад руж,
Казаць трэба добрыя словы,
Яны лепш бальзаму для душ.

13.04.2001


5531     АДНАДУМЦЫ

На розных пунктах гледжання стаiм,
Таму бясконца аднадумцаў мала,
Пазнаць сябе духоўна у другiм
Прыемна вельмi i заўжды цiкава.

15.04.2001


5685     НЯГОДНЫ ПАШАНЫ

Хай вельмi жорстка памылюся зноў,
Спачатку кожны для мяне высокародны,
Пагардаю становiцца любоў,
Зусiм пашаны за учынак як нягодны.

4.05.2001


5843     СВАЯ ДУМКА

Хто кажа «Не», дзе хочуць «Так» пачуць,
I «Так» заўжды, дзе толькi «Не» жадаюць,
Не коцiцца пакорлiва, як ртуць,
Таго часы нялёгкiя чакаюць.

27.05.2001


5852     ПРАРОКI

Палёт думкi занадта высокi,
Ды не слухаюць праведных слоў,
Не патрэбны нiколi прарокi,
Iх знiшчалi з бiблейскiх часоў.

28.05.2001


5865     ПОГЛЯДЫ

Рашуча вельмi, як на стрэлках цягнiкi,
Каб рух быў i бяспечны, i iмклiвы,
Разводзяць погляды у розныя бакi,
Агульнай не знайсцi альтэрнацiвы.

30.05.2001


5904     ЧОРНЫ ЦЕНЬ

Якi усход, такiм i будзе дзень,
Як сонейка схаваецца за хмары,
Ў адносiнах праляжа чорны цень,
Не здзейсняцца надзеi, згiнуць мары.

3.06.2001