Виталий, игумен Дубенский, Стихи из главы 27 ч. 2 Диоптры до 161

[Глава 27 "Яко подобаетъ бЪгати сопребыванiй мирскихъ"]

[Концовка:] 

...Яко вино погубляет красоту [...], тако оудобъ погубиши благую непщеванїя красоту, егда содружишися со лукавыми.

Таковъ чл[о]вЪкъ от многихъ бытися вмЪняетъ,
Каковъ естъ сей, ему же онъ другъ ся ставаетъ.
Аще хощеши, брате, чл[о]вЪка познати,
СовЪтую ти его дружеству внимати,
Всяко бо животъное навыче любити
СебЪ подобное, с ним хощетъся дружити.

Того ради Iелїусъ оудивляшеся Iову, жившему со лукавыми и нравовъ злых не навыкшему ([Книга Иова], 32*). Сiе бо в немъ знаменателно бЪ, яко благу пребыти посредЪ лукавыхъ, естъ аки плысти противу потока:

Жити естъ не оудобъ зЪло
ПосредЪ лукавых цЪло.

Не Аггелъ ли исхити Лота из Содома ([Бытие], 19), да не погибнетъ; и Павел Б[о]ж[е]ственный дивяшеся Фїлипписеом, иже посредЪ языкъ добрЪ живяху ([Филиппийцам], 2). Церковь похваляетъ ся, яже цвитетъ, яко кринь посреди терънїя, еже ест зЪло не оудобъ крину младу, тонку, оутлу быти цЪлу посредЪ тернїя остраго и проходящаго. Г[лаго]летъ Б[о]гъ I[езекї]илю ([Иезекииль], 2): "НевЪрныи и превратныи суть с тобою и со скорпїами живеши". Аще оубо тако не оудобъ естъ добрЪ жити посредЪ злыхъ, послЪдуетъ вещь небезбЪдна с ними имЪти дружество. ТЪмъ, аще хощеши душу свою спасти,

Не прилагайся, брате, несмысленным ско'томъ*,
БЪжи клятвы вЪчнои Ми'рскои со Лотомъ,
Ниже с[е]рдцемъ и лицемъ воспятъ обращайся
И на высотЪ горней в тишинЪ спасайся.
___________________________

Источник: "Диоптра", пер. Виталия. Изд. 2-е. Евье или Вильно, типография Братская, 1642. (Оригинал, отдел редкой книги Нац. библ. РБ, 094/166)
__________________________

* С гл. 32 Книги Иова начинается речь Елиуя. То, о чем пишет Виталий, находится в последующих главах Книги Иова.

* Ударения представлены выборочно.