Виталий, игумен Дубенский, Концовки глав 1-9 ч. 2 Диоптры до 161

["Диоптры сирЪчь зерцала мїрозрителнаго часть вторая,
оуказующая, яко Миръ развращенный естъ во нравЪх своихъ"]

[Глава 1 "О нравЪх мира"]

[Концовка:]

Миръ естъ яко же нЪкїй лестивый купец, иже тонкое сукно отвнЪуду показующе продаетъ, внутръуду же суще дебело и толсто: тако под изветом сластїй привмЪтует вЪчная м[у]ч[е]нїя. Ты же, любимїче,

Не виждъ мира, но смЪжи своя очеса,
Егда г[лаго]лет что, затвориши оушеса.
Той бо зракомъ и гласомъ своимъ прелщаетъ
И скоро во дно адово отсылает.
__________________________

[Глава 2 "О лестех и сЪтех мира"]

[Концовка:]

Прелщаетъ мирянъ, яко дЪтей, свЪща воспаленная, егда прикасаются ей, палец со болезнїю и плачем востягнути принужаютъся. Тако миряне, яко дЪти без разсужденїя, егда прелщаютъся образомъ красоты мирскои, вметающеся во пламень прегрЪшенїй, рукамъ тщетнымъ пакость творятъ и совЪсти воспаленїе или раздрушенїе. ТЪмъ,

Не дЪти оумом, братїе, бывайте
И суетїем ся сим не прелщайте.
_________________________

[Глава 3 "О неправдЪ мира"]

[Концовка:]

...Сосудомъ чести прелщаются простыи, не вЪдущїи яду в немъ сокровеннаго. ТЪм же,

Хотя см[е]ртных бЪд не познати,
Тщися лестїй мiрских бЪжати.
_________________________

[Глава 4 "О ложных обЪщанїяхъ мира"]

[Концовка:]

ТЪм паки прилЪжно м[о]лю:

Брате, словесе'мъ врага' не вЪруй твое'го,
Дондеже пре'йдетъ скорый бЪгъ жи'тїя сего'.
__________________________

[Глава 5 "Яко миръ забываетъ своихъ"]

[Концовка:]

Понеже оубо миръ своя други тако забываетъ, ты же посемъ,

Хощеши ли имЪти крЪпъко чаянїе,
На Г[оспод]а возлагай все оупованїе,
Той бо естъ вЪрный, своихъ другъ не забываетъ,
Ихъ же, яко зЪницу ока, соблюдаетъ.
_______________________

[Глава 6 "О забывающихъ мира"]

[Концовка:]

Слава же вЪка сего во мгновенїи ока мимоходит. ТЪм,

Аще хощеш во славЪ безконечной жити,
Потщися И[сусу] Хр[и]сту оугодно служити.
______________________

[Глава 7 "Яко миръ не познаваетъ своихъ"]

[Концовка:]

Хр[и]сту работай, иже своя овца знаетъ,
На паствахъ пасы'й своей славой оупитаетъ.
_____________________

[Глава 8 "О бЪдахъ, в нихъ же пребываютъ миряне"]

[Концовка:]

Таже, аще всячески подобаетъ бЪгати бЪдъ, и мир тако бЪдъ исполнен естъ, праведно и лЪпо ти есть бЪгати его. Аще миръ сей естъ, яко море бурное, идеже бЪды тако настоятъ, блюди, да не со Фараоном, царемъ египетскимъ, потопишися. ТЪмъ,

БЪжи, бЪжи во землю обЪ[то]ванную,
С[вя]тымъ, прежде миръ не бЪ, оуготованную.
Да ся ко пристанищу прїйти сподобиши,
Идеже Х[ристо]с, его благъ ся насладиши.

[* В оригинале (2-е изд. 1642 года) опечатка: "обЪотванную".]
___________________________

[Глава 9 "О небреженїи, в нем же пребываютъ миряне"]

[Концовка:]

Еда ли Игевостей* не бЪ окрестъ обыйденъ от врагъ и егда спяше оубїенъ бысть. Блюди, да не что и тебЪ, оусопшему под суетами мира сего случитъся: прїйдетъ см[е]рть, и егда воспрянеши, обрящешися впадша во огнь геенскїй неугасимый. О, како посрамишися в часъ см[е]ртный, идеже вся сiя, в нихъ же оуповалъ еси, оузриши возвращения суща в дымъ и сЪнь. ТЪм же,

Не спи к тому под сЪнїю сует его, да не обрящешися во время см[е]ртное обыйдена различными тЪснотами и муками.

Отвержи оубо сонъ всякъ и нераденїе,
Возлюби с[вя]тыхъ путь, труд, нагость и бдЪнїе.

[*Иевосфей, сын Саула, был убит во сне (2-я книга Царств, гл.4)]
_____________________________

Источник: "Диоптра", пер. Виталия. Изд. 2-е. Евье или Вильно, типография Братская, 1642. (Оригинал, отдел редкой книги Нац. библ. РБ, 094/166) _________________________________

Стихотворные концовки во второй части "Диоптры" Виталия примечательны тем, что составленные вместе вполне могли бы являться логически цельным законченным стихотворением. Это лишний раз подчеркивает стройность композиции "Диоптры". Содержание каждой главы вырастает из содержания предыдущей.
Стихотворная концовка емко фокусирует содержание своей главы и перебрасывает логический мостик к следующей главе.

Концовка главы 4-й части 2 "Диоптры" интересна своими ударениями, традиционно расставленными в тексте:

Брате, словесе'мъ врага' не вЪруй твое'го,
Дондеже пре'йдетъ скорый бЪгъ жи'тїя сего'.

"Твоего" и "сего" имеют различные ударения, следовательно, рифма была визуальной, а не слуховой.