Вмч Пантелеимону

Молитва Великомученику Пантелеимону

О великий Христов угодниче и преславный целебниче, великомучениче Пантелеимоне! Душею на небеси Престолу Божию предстояй и триипостасныя Его славы наслаждаяйся, телом же и ликом святым на земли в Божественных храмех почиваяй и данною ти свыше благодатию различая чудеса источаяй, призри милостивным твоим оком на предстоящия люди, честней твоей иконе умильно молящиеся и просящия от тебе целебныя помощи и заступления: простри ко Господу Богу нашему теплыя твои молитвы, и испроси душам нашим оставление согрешений. Се бо мы, за беззакония наша не смеюще возвести очеса наша к высоте небесней, ниже вознести глас молебный к Его в Божестве неприступней славе, сердцем сокрушенным и духом смиренным тебе, ходатая милостива ко Владыце и молитвенника за ны, грешныя, призываем, яко ты приял еси благодать от Него недуги отгоняти и страсти исцеляти.
Тебе убо просим: не презри нас, недостойных, молящихся тебе и твоея помощи требующих. Буди нам в печалех утешитель, в недузех лютых страждущим врач, напаствуемым скорый покровитель, очесем недугующимпрозрения датель, сущим и младенцем в скорбехщ готовейший предстатель и исцелитель; ишодатайствый всем вся, яже ко спасению полезная, яко да твоими ко Господу Богу молитвами получивше благодать и милость, прославим всех благих Источника и дароподателя Бога, Единаго в Троице Святей славимого Отца и Сына и Святаго Духа ныне и присно и во веки веков. Аминь.

Другие статьи в литературном дневнике:

• 15.11.2021. М. Ю. Лермонтов Молитва
• 14.11.2021. Молитва Чудотворцам Косьме и Дамиану
• 09.11.2021. Вмч Пантелеимону