Цу сихача шовдан йисте
Хул вай хийла цхьана Iеш,
Цига миха-гаьна Iийне
Войла безам кодабеш.
Хьа гIайгIане цу хьежаро
Хетийт говрабаьре сайх –
Аре техкаш се лелаш мо,
Гаьна боахаш бала вайх.
(тIехьа оалар)
Ма е селла гIайгIа, Марем,
Дац вай гIулакх селла во;
Боссаргба вай дег чу сатем –
Дала дергда вайна гIо.
Боссаргба вай дег чу сатем –
Дала дергда вайна гIо.
Иштта гIайгIане хьо хилар
Укх са дега вIалла лац,
Кура корта бежа лелар
Хьога вIалла товш ма дац.
Хьожаргба вай седкъа юха,
Къагаргья вай сигале,
Малх а хьожаргба вай духьа –
Безамана иразле!
(тIехьа оалар)
Ма е селла гIайгIа, Марем,
Дац вай гIулакх селла во;
Боссаргба вай дег чу сатем –
Дала дергда вайна гIо.
Боссаргба вай дег чу сатем –
Дала дергда вайна гIо.
Цу сихача шовдан йисте
Хул вай хийла цхьана Iеш…
-------------------------------------
Август, 2016 шу.
Маремага. Илли
© Copyright: Аслан Куазо Ингушетия, 2016
Свидетельство о публикации №116120810285
Свидетельство о публикации №116120810285
Рецензии