Тхо ц1адог1у яххьаш кхоьлана,
Т1емаш бу чекхбовлаза.
Йоьжна нохчийн коьрта г1ала,
Гуш ю ерриг лазийна.
Тхо ц1адог1у.Мух1ажарш лелла,
Соьлжа-г1ала кхиберш санна.
Урамашкахь лазийна долчу
Дог1у ларлуш,кхоьруш,халла.
Гуш ю къиза цхьаьнаийна
Иблис левзина лараш-
Ц1енош 1охку лайна герзаш,
Наггахь кертахь го кешнаш.
Х1етте дог1у.Лерина,чекъаш,
Г1айг1а яхьаш лозчу сица,
Нисло-минаш т1ехь а лелха,
Хьан ехкина х1ун бен ду уьш?...
Довха б1аьрхиш шашах леша
Худуш бух болу т1улгаша.
Овкъарш юкъара ийалуш,
Шаьш гойту даьгна аннаша.
Цатешам,шеко,сатийсамаш…
Х1ун ду кхузахь: той я ун?...
Т1ехь марчо долчух тера
Хета х1оранна шен ц1а…
Лепара тхан кхоьлана яххьаш
Оха оьг1азлонца ч1аг1дора,
Ца елла нохчийн коьрта г1ала
Йоьжна 1иллахь и лазийна…
Балано лаьцна г1алахула
Оха кхоьруш йоху г1улчаш…
Тхо дог1ура. Мух1ажарш лелла,
Грозне,кхиберш санна ц1а…
Г1алахой
© Copyright: Марем Нохчиева, 2012
Свидетельство о публикации №112092702026
Свидетельство о публикации №112092702026
Рецензии